یازارلار

اردبيل - مشكين شهر- موغان شهر- گئرمي- خالخال - بيلسوار- نير- نمين -سرعين - ....

و بوتون استانيميزدا ياشايانلار آذربايجان تاخيمي نين (تيمي نين) يانداشي ييق(طرفداري).

اردبيلين شهرداري تاخيمي دا تيراختورلا بيرليكده بو سيرا توپ اويونلاريندا اويناسايدي ،

اونو دا تيراختور تكين سئويب يانداشي اولاريق آنجاق بو آنلامدا (مفهومدا) دئييل كي

تيراختورو اونودماليييق. ( آذربايجان تيملري فرق ائله مز رنگلري)

فاشيستلر و فارسلار هئچ گؤزلري گؤتورمور ، بوتون تورك و آذربايجانليلار بيرليكده بوتون

آذربايجان تاخيملارينا (تيملرينه) چئشيت (فرق) قويمادان سئويرلر.

اؤرنك ايچين(براي مثال) تيراختور يالنيز(فقط) بير توپ تاخيمي يوخ، بير آذربايجان و تورك

دامغاسي(نماد) دير. نئجه گؤرسونلر تهراندا اسپئس ايله بارابار تيراختورون يانداشي

اولور و بو سورونلاري (مسئله لري) نئجه اوستون اؤرتسونلر دئييرلر :

( تماشاگران تبريزي خودشونو از تبريز به تهران رساندند) آنجاق بونو ياخچي بيليرلر اؤرنك

ايچين تهران بيليم يوردوندان (دانشگاه تهران) آرادا اولور ايكي اوتوبوس اؤيرنجي (دانشجو)

گئدير تيراختور اويونلارينا ايندي قالسين باشقا بيليم يوردلاري و تهران توركلري نقدر گليرلر.

كئچميشده سوروشوردولار گؤي يا قيرميزسان (اس يا پئس) و قويمازديلارباشقا بير سئچه نگه

(گزينه)دوشونك آنجاق ايندي آذربايجانليلاردان و توركلردن سوروشورسان، هانسي تاخيمين

يانداشي سان و بئله ليكله اؤزلري دوشونه رك دئييرلر تيراختور و باشقا يوخ. آنجاق بير پارا

فاشيستي اورتاملاردا (جو و فضا ) دا بير آز توركلر هله اؤزلري دوشونه بيلمه ييرلر و فاشيستلرين

سئچديگيني زور ايله سئچمه لي ديرلر. هاميميز آيدين گؤروروك نئجه چوخلو آذربايجان

و تيراختور خبرلري ياييلمير و هئي ايسترلر يالنيز تيراختورو و اونون يانداشلاريني اللرينده اولان

گؤزگون(تلويزيون )و گوندليك(روزنامه) و ... ايله پيس گؤسترسينلر و بونون قاباغيندا بيزلرين

گؤرَويميز(وظيفه ميز) دير بيرليك گوجوموزله اونلارين قاباغيندا،

ساوالان و سهند داغي تكين داياناركن دئيك:

قوي بوتون آذربايجاني ايسته مه ين لر بيلسين لر و گؤزلري كور اولسون ،

بيز اؤز وارليغيميزا و اؤزلوگوموزه (هويتيميزه) گووه نيريك (افتخار ائله ييريك).

ياشاسين آذربايجان

يازار : گونر زاهرالي 6/11/91


تاپدیران: موران موغان
[ شنبه 7 بهمن 1391 ] [ 02:40 ] [ گونر زاهرالی ]
|    ........   

.: Weblog Themes By azarteraktor :.

وئبلاق حاققیندا

آذربایجان موغان موران
آذربایجان موغان موران
آذربایجان موغان موران
آذربایجان موغان موران
آذربایجان موغان موران