|
موغان موران زاهرا کندیم موران سسی
| ||
|
|
بيز توركلر ده، بو توپراق، ناموس يولوندا مينلرجه شهيدلر وئرميشيق و ايران يولوندا جاندان كئچميشيق و ائله بو آذربايجان ميللتي 57دئوريمينده(انقلابيندا) شاه و پهلوي حكومتين داغيتماسيندا باشقا ايران ميللتي ايله بيرليكده شهيدلر وئرديلر. بو آذربايجاندان بؤيوك بؤيوك اينسانلار سونولوب(تقديم اولوب) آنجاق فارس توپلوملاريندا توركلري آلچالتماقدان باشقا هئچ بير ايش گؤرولمه دي. آللاه قوتسال قرآن اوخونجوندا ( مقدس قرآن كيتابيندا) بويورور :يا ايهَا الَّذينَ امَنُوا لا يسْخَرْ قَوْمٌ مِنْ ائله قَوْمٍ عَسى انْ يكُونُوا خَيرا مِنْهُم وَ .... (حجرات،11)؛ "اي اينام(ايمان) گتيرنلر هئچ بير ائل (قوم) باشقا بير ائلي لاغا قويماسين اولا بيلسين بونلار اونلاردان (لاغا قويولانلاردان) داها اوستون و ياخچي اولسونلار و... و گؤروروك بو لاغا قويماقلارين و تحقير و توهينلرين كي پهلوي حكومتيندن باشلاندي و ياتميش بعضي توركلر تهراندا، اؤزلريني تورك تانيتديرماغا اوتانيرلار، بونلار ائله فاشيستلرين، توركلره قارشي ائتديگي سياستلرين سونوجودور (نتيجه تحقير مسخره و.... ). يا تهراندا ستارخان قبرينه باش وورا بيلرسينيز . اگر قبيرلر ايچيندن تاپا بيله سينيز ، بير ساده قبير!!؟؟. بير بؤيوك تورك سرداري و ظلم و خانليق قارشيسيندا دايانان اينسان.... آنجاق داها بو يئني تورك سويلاري(نسللري) هرنه دن خبرلري وار.آللاه بويورور هئچ بير سوي(نژاد) و ائل باشقا بير سويدان و ائلدن اوستون دئييل و منيم يانيمدا هر كس ايناملي و تقوالي اولسا او اوستوندور. اؤزونوز قارداشليق، برابرليك ايلقارلاريني(عهدلريني) پوزورسونوز. گركلي دير بو سورونلارين(مسئله لرين)ندن باش وئرمه سينين كؤكونو تاپاسينيز و دئمه لي ييك چوخ ياخچي دا بيليرسينيز آنجاق.... بيز توركلر، آنادان اولاندا دئديلر سيز پان تورك و تجزيه طلب سيز ديل آچيب دانيشماقا باشلاديق دئديلر سيز پان تورك و تجزيه طلب سيز ديليميزي ائوده قويوب اوخولا(مدرسه يه) گئدنده دئديلر سيز پان تورك و تجزيه طلب سيز هله اوچ و دؤرد ايله جن فارسجا ياخچي يازيب اوخويا بيلمه ييرديك دئديلر سيز پان تورك و تجزيه طلب سيز آناميزدان آيريلديق باشكنده گئديب سورگون دوشدوك(آواره و تبعيد شديم) دئديلر سيز پان تورك و تجزيه طلب سيز دئديك بيز آنا ديليميزي سئويريك دئديلر سيز پان تورك و تجزيه طلب سيز آنا ياسادان(از قانون اساسي) دانيشماق ايسته ديك دئديلر سيز پان تورك و تجزيه طلب سيز اؤزوموز، آذربايجان ديلين، تاريخين اوخوماق ايسته ديك دئديلر سيز پان تورك و تجزيه طلب سيز فيلم و سرياللاردا توركلري تحقير ائله ديلر ، جوك دئييب گولدولر ايران گؤنده ليگينده ياييديلار چيخديق خياوانا هاراي هاراي من توركم دئديك دئديلر سيز پان تورك و تجزيه طلب سيز دئديك اورمو گؤلو ، آذربايجان گليني قورويور دئديلر سيز پان تورك و تجزيه طلب سيز قول چيرماديق ، ال اله وئرديك آذربايجان زلزله وورموشلارا يارديم ائله ديك دئديلر سيز پان تورك و تجزيه طلب سيز تيراختور اويونلارينا گئتديك ياشاسين دئديك دئديلر سيز پان تورك و تجزيه طلب سيز توپ يئرلرينده شعار و پارچا يازيلاري ايله توركلره آچيق آيدين توهين ائله ديلر دئديلر سيز پان تورك و تجزيه طلب سيز بيز سئوديك وارليغيميزي ، اؤزلوگوموزو(هويت) ، توركلوگوموزو دئديلر سيز پان تورك و تجزيه طلب سيز و مينلرجه بئله بئله سورونلار ..... دئديلر سيز پان تورك و تجزيه طلب سيز بوقدر سئچكيليك(تبعيض) بوقدر آذربايجان توركلرينه سايغيسيزليق (بي احترامي) سونوجو(سونوجو) نه اولمالي دير؟؟!! برابرليك، قارداشليق، بيرليك، يالنيز ديللرده بوش سؤز اولوب. بيز آذربايجاني دا و ايراني دا سئويريك آنجاق عدالت سيزليك و حاقسيزليق، بو بيرليگه و قارداشليغا آرا سالا بيلر. ياشاسين آذربايجان ياشاسين ايران ياشاسين تيراختور يازار : گونر مورانلي تاپدیران: [ شنبه 12 اسفند 1391 ] [ 10:34 ] [ گونر زاهرالی ]
|
وئبلاق حاققیندا آذربایجان موغان موران آذربایجان موغان موران آذربایجان موغان موران آذربایجان موغان موران آذربایجان موغان موران |